Il fegl uffizial electronic dal chantun Grischun remplazza dapi il 1. da schaner 2016 la versiun stampada dal fegl uffizial. L'ediziun electronica da las publicaziuns è giuridicamain lianta.
Cumpariziun da las publicaziunsNovas publicaziuns cumparan mintga di da glindesdi fin venderdi a las 07.00 (cun excepziun dals firads generals).
Sco tar l'ediziun stampada fin l'onn 2015 vegni differenzià er tar la versiun digitala a partir da l'onn 2016 tranter publicaziuns uffizialas ch'èn da pajar e publicaziuns commerzialas.
Las infurmaziuns da pretsch davart las publicaziuns commerzialas chattais Vus qua.
En la versiun stampada eran pussaivlas passa 1000 variantas da grondezza. Il pretsch d'in inserat vegniva calculà sin basa da l'autezza da l'inserat (en millimeters). Sin la plattafurma online n'è ina tala calculaziun sin basa da surfatschas betg pli pussaivla. Empè da quai vegnan ils formats d'inserat d'enfin ussa convertids en ina grondezza confurma a l'internet. Questa conversiun per stgalim vegn fatga sin fundament da segns valitads. La valitaziun vegn fatga sin basa da formataziuns, sco per exempel grondezzas da las scrittiras, distanzas u lingias vidas, segns d'enumeraziun, maletgs e.u.v.
Tut tenor la structura dal cuntegn HTML e da la cumprimaziun da logos pon ils pretschs variar fermamain. Cun elavurar ina publicaziun po vegnir calculà il pretsch effectiv.