Il fegl uffizial electronic dal chantun Grischun remplazza dapi il 1. da schaner 2016 la versiun stampada dal fegl uffizial. L'ediziun electronica da las publicaziuns è giuridicamain lianta.
Cumpariziun da las publicaziunsNovas publicaziuns cumparan mintga di da glindesdi fin venderdi a las 07.00 (cun excepziun dals firads generals).
A maun da Vossa instanza da publicaziun pon Vossas publicaziuns vegnir attribuidas a rubricas correspundentas. Quellas servan a categorisar las publicaziuns. Sin la pagina iniziala poi vegnir filtrà en la tschertga tenor questas rubricas.
Rubricas principalas | Sutrubricas |
---|---|
Collecziun uffiziala da leschas | |
Publicaziuns uffizialas chantunalas |
|
Submissiuns | |
Plazzas libras | |
Register da commerzi |
|
Fatgs da scussiun |
|
Fatgs da concurs |
|
Autras publicaziuns tenor lescha |
|
Publicaziuns da vischnancas |
|
Publicaziuns privatas / autras |
Cun in abunament da tschertga survegnis Vus mintga damaun circa a las 07.00 in e-mail cun las publicaziuns las pli novas che correspundan a Voss filter da tschertga.
Cun agid d'in abunament da tschertga pudais Vus arcunar ina tschertga tenor Voss giavisch e laschar trametter ils resultats actuals directamain per e-mail. Vus pudais endrizzar tants abunaments da tschertga sco che Vus vulais.
Vus pudais endrizzar in abunament da tschertga sco suonda:
En mintga e-mail d'in abunament da tschertga chattais Vus giusum in link per terminar quest abunament.
Resguardai per plaschair ch'i vegnan mussadas mo rubricas che correspundan a la perioda selecziunada. Sche Vus vulais vesair TUT las rubricas disponiblas, tscherni tar la perioda da temp l'opziun «senza restricziun». Uschia pudais Vus tscherner Vossa rubrica giavischada per il filter da tschertga.
Resguardai per plaschair che Vus pudais mo endatar publicaziuns, sche Vossa instanza da publicaziun è avant maun ed approvada.
Sche Vossa instanza da publicaziun n'è betg avant maun, la stuais Vus l'emprim registrar.
Novas instanzas da publicaziun vegnan controlladas e dadas liber tras la redacziun dal fegl uffizial chantunal durant dis da lavur regulars a las 09.00 ed a las 15.00.
Resguardai per plaschair che Vus pudais mo endatar publicaziuns, sche Vossa instanza da publicaziun è avant maun ed approvada.
Publicaziuns endatadas sur la plattafurma online cumparan tenor la fin da redacziun publitgada.
Las publicaziuns vegnan controlladas e dadas liber tras la redacziun dal fegl uffizial chantunal durant dis da lavur regulars a partir da las 15.00.
Vus pudais er inoltrar Vossas publicaziuns senza registraziun directamain a nossa adressa dad e-mail publikation@kantonsamtsblatt.gr.ch (document da Word u da PDF).
En quest cas vegn quintà in supplement d'endataziun da 90 CHF per publicaziun, sper eventuals custs da publicaziun. Resguardai per plaschair ultra da quai la fin da redacziun separada per l'inoltraziun per e-mail.