Dumondas frequentas & respostas

Tge è ina rubrica?

A maun da Vossa instanza da publicaziun pon Vossas publicaziuns vegnir attribuidas a rubricas correspundentas. Quellas servan a categorisar las publicaziuns. Sin la pagina iniziala poi vegnir filtrà en la tschertga tenor questas rubricas.

Rubricas principalasSutrubricas
Collecziun uffiziala da leschas
Publicaziuns uffizialas chantunalas
  • Elecziuns e votaziuns
  • Proceduras da consultaziun
  • Entradas en vigur
  • Dumondas d'iniziativa
  • Referendums facultativs
  • Fatgs da taglia
  • Edifizis e stabiliments ordaifer las zonas da construcziun
  • Proceduras chantunalas d'approvaziun da plans
  • Meglieraziuns
  • Proceduras uffizialas dal register da commerzi
  • Communicaziuns da traffic
  • Mesiras da la protecziun da famiglias e da creschids
  • Diversa
Submissiuns
Plazzas libras
Register da commerzi
  • Novas inscripziuns
  • Mutaziuns
  • Extincziuns
Fatgs da scussiun
  • Ingiant da bains immobigliars tras l'uffizi da scussiun
  • Avis da pajament
  • Avis e documents da sequestraziun
  • Cumonds e documents d'arrest
  • Diversa
Fatgs da concurs
  • Avis provisoric dal concurs
  • Publicaziun dal concurs/clom da quints
  • Sistida da la procedura da concurs
  • Plan da collocaziun ed inventari
  • Terminaziun da la procedura da concurs
  • Revocaziun dal concurs
  • Ingiant da bains immobigliars tras l'uffizi da concurs
  • Glista da las chargias
  • Diversa
Autras publicaziuns tenor lescha
  • Citaziuns giudizialas
  • Decisiuns giudizialas
  • Scumonds giudizials
  • Titels pers
  • Inventari public/cloms da quints
  • Ingiant public da bains immobigliars
  • Procedura da relasch
  • Citaziuns d'ertavels
  • Averturas da testaments
  • Diversa
Publicaziuns da vischnancas
  • Planisaziuns localas e planisaziuns da quartier
  • Communicaziuns da traffic
  • Diversa
Publicaziuns privatas / autras

Tge è in abunament da tschertga?

Cun in abunament da tschertga survegnis Vus mintga damaun circa a las 07.00 in e-mail cun las publicaziuns las pli novas che correspundan a Voss filter da tschertga.

Co endriz jau in abunament da tschertga?

Cun agid d'in abunament da tschertga pudais Vus arcunar ina tschertga tenor Voss giavisch e laschar trametter ils resultats actuals directamain per e-mail. Vus pudais endrizzar tants abunaments da tschertga sco che Vus vulais.

Instrucziun pass per pass

Vus pudais endrizzar in abunament da tschertga sco suonda:

  • Tschertgai quai che Vus giavischais per exempel cun agid d'in chavazzin en cumbinaziun cun in spazi da temp, cun ina rubrica e ed eventualmain cun ina instanza da publicaziun.
  • Cliccai lura sin il buttun «Abunar la tschertga actuala».
  • Sin il proxim formular endatais Vus Voss num, Vossa adressa dad e-mail ed in titel per pudair arcunar l'abunament da tschertga.
  • Cliccai lura sin il buttun «Abunar la tschertga».
  • Vus survegnis in e-mail cun l'infurmaziun che Vus possias activar Voss abunament da tschertga sur in link.
  • Vus survegnis in ulteriur e-mail che conferma che Voss abunament da tschertga saja vegni endrizzà.
  • Suenter l'activaziun survegnis Vus lura mintga di circa a las 07.00 in e-mail, sch'i èn vegnidas chattadas publicaziuns actualas cun Voss filter da tschertga.
  • Sche Vus vulessas puspè desdir in abunament da tschertga, chattais Vus qua ina instrucziun.

Co poss jau desdir in abunament da tschertga?

En mintga e-mail d'in abunament da tschertga chattais Vus giusum in link per terminar quest abunament.

Laschar mussar tut las rubricas disponiblas

Resguardai per plaschair ch'i vegnan mussadas mo rubricas che correspundan a la perioda selecziunada. Sche Vus vulais vesair TUT las rubricas disponiblas, tscherni tar la perioda da temp l'opziun «senza restricziun». Uschia pudais Vus tscherner Vossa rubrica giavischada per il filter da tschertga.

Co funcziuna il workflow «Registrar ina nova instanza da publicaziun»?

Resguardai per plaschair che Vus pudais mo endatar publicaziuns, sche Vossa instanza da publicaziun è avant maun ed approvada.

Sche Vossa instanza da publicaziun n'è betg avant maun, la stuais Vus l'emprim registrar.

Novas instanzas da publicaziun vegnan controlladas e dadas liber tras la redacziun dal fegl uffizial chantunal durant dis da lavur regulars a las 09.00 ed a las 15.00.

Co funcziuna il workflow «Endatar ina publicaziun»?

Resguardai per plaschair che Vus pudais mo endatar publicaziuns, sche Vossa instanza da publicaziun è avant maun ed approvada.

Publicaziuns endatadas sur la plattafurma online cumparan tenor la fin da redacziun publitgada.

Las publicaziuns vegnan controlladas e dadas liber tras la redacziun dal fegl uffizial chantunal durant dis da lavur regulars a partir da las 15.00.

Co funcziuna il workflow «Publitgar publicaziuns per e-mail»?

Vus pudais er inoltrar Vossas publicaziuns senza registraziun directamain a nossa adressa dad e-mail publikation@kantonsamtsblatt.gr.ch (document da Word u da PDF).

En quest cas vegn quintà in supplement d'endataziun da 90 CHF per publicaziun, sper eventuals custs da publicaziun. Resguardai per plaschair ultra da quai la fin da redacziun separada per l'inoltraziun per e-mail.