Il fegl uffizial electronic dal chantun Grischun remplazza dapi il 1. da schaner 2016 la versiun stampada dal fegl uffizial. L'ediziun electronica da las publicaziuns è giuridicamain lianta.
Cumpariziun da las publicaziunsNovas publicaziuns cumparan mintga di da glindesdi fin venderdi a las 07.00 (cun excepziun dals firads generals).
Quest document descriva las novaziuns funcziunalas dal release 3 dals 2 da mars 2021.
Per che la resumaziun saja pli legibla, vegnan las interrupziuns da secziuns preschentadas da nov cun in segn da pipe (|).
Per ina tschertga èsi da nov pussaivel da tscherner plirs filters a medem temp. Ils filters pon vegnir arcunads sco usità er sco abunament da tschertga.
Da nov pon ins ussa marcar pliras publicaziuns sco PDF ed exportar quellas en in PDF collecziunà.
Sch'ins marchescha dapli che 50 publicaziuns per l'export, po l'export vegnir fatg en pliras datotecas a 50 publicaziuns.
Il design sco er la user experience èn vegnids optimads en differents lieus. Ils simbols èn vegnids surpigliads dal corporate design actual dal chantun Grischun.