Impressum

Fegl uffizial dal chantun Grischun

Organ da publicaziun uffizial dal chantun Grischun.

Editur

Basas giuridicas

Las basas giuridicas per l'ediziun dal fegl uffizial dal chantun Grischun èn cuntegnidas en la lescha davart las collecziuns da leschas e davart il fegl uffizial (lescha da publicaziun, LPubl) dals 19 d'october 2011 (DG 180.100) ed en l'ordinaziun davart il fegl uffizial dal chantun Grischun dal 1. da fanadur 2014 (DG 180.500). Il 1. da fanadur 2014 ha la regenza concludì d'edir il fegl uffizial dal chantun Grischun mo pli en furma electronica.

Signatura digitala

Per la publicaziun electronica dal fegl uffizial vegn duvrada la signatura digitala qualifitgada. Uschia vegni garantì che las datas giuridicamain liantas dal fegl uffizial sin la plattafurma d'internet sajan autenticas.

Exclusiun da la responsabladad

Il chantun Grischun guarda cun grond quità che las infurmaziuns publitgadas sajan correctas. Tuttina na po el surpigliar nagina garanzia che las infurmaziuns publitgadas sajan correctas, exactas, actualas, fidaivlas e cumplettas.

Pretensiuns da responsabladad cunter las autoritads chantunalas pervia da donns materials u immaterials ch'èn resultads tras l'access u tras l'utilisaziun resp. tras la nunutilisaziun da las infurmaziuns publitgadas, tras l'abus da la colliaziun u tras disturbis tecnics, vegnan exclusas. Exclusa da la responsabladad è er la garanzia che la purschida online stettia permanentamain a disposiziun.

Il chantun Grischun sa resalva expressivamain il dretg da midar, da stizzar u da betg publitgar per in tschert temp – dal tuttafatg u per part – ils cuntegns, e quai da tut temp e senza annunzia.

Renviaments e links

La pagina d'internet cuntegna renviaments e links a paginas d'internet da terzas persunas. Quellas sa chattan ordaifer il champ da responsabladad dal chantun Grischun. L'access e l'utilisaziun da talas paginas d'internet han lieu sin agen ristg da l'utilisadra u da l'utilisader. Las autoritads chantunalas decleran expressivamain ch'ellas n'hajan nagina influenza sin la concepziun, sin il cuntegn e sin las purschidas da talas paginas d'internet.

Protecziun da datas

Tar l'access sin questa pagina d'internet na vegnan arcunadas naginas datas persunalas. Ils servers d'internet registreschan mo datas d'utilisaziun nunpersunalas. Quellas vegnan elavuradas uschia, ch'igl èn visibels trends, quai che permetta da meglierar correspundentamain la purschida. Las datas d'utilisaziun na vegnan betg colliadas cun datas persunalas. Las datas da persunas che vegnan inditgadas voluntarmain per il contact (mail, formular da contact), vegnan duvradas mo per dar resposta e vegnan stizzadas regularmain. Questas datas na vegnan betg dadas vinavant a terzas persunas ed er betg duvradas per auters intents.

Decleraziun davart la protecziun da datas da Google Analytics

Questa pagina d'internet utilisescha Google Analytics, in servetsch d'analisa-web da Google Inc. ("Google"). Google Analytics sa serva d'uschenumnads "cookies", vul dir datotecas da text che vegnan arcunadas sin Voss computer per pussibilitar d'analisar co che Vus duvrais la pagina d'internet. Las infurmaziuns ch'il cookie generescha davart Vossa utilisaziun da la pagina d'internet vegnan transferidas ed arcunadas per regla sin in server da Google en ils Stadis Unids da l'America. Sche l'anonimisaziun da l'adressa IP sin questa pagina d'internet è activada, vegn Vossa adressa IP però scursanida ordavant da Google tar ils stadis commembers da l'Uniun europeica u tar auters stadis che han suttascrit la cunvegna davart il spazi economic europeic. Mo en cas excepziunals vegn l'adressa IP tramessa en sia lunghezza cumplaina ad in server da Google en ils Stadis unids da l'America e scursanida là. Per incumbensa dal gestiunari da questa pagina d'internet vegn Google a duvrar questas infurmaziuns per evaluar Vossa utilisaziun da la pagina d'internet, per cumpilar rapports davart las activitads da la pagina d'internet sco er per prestar – per il gestiunari da la pagina – ulteriurs servetschs che stattan en connex cun l'utilisaziun da la pagina e cun l'utilisaziun da l'internet. L'adressa IP che Voss browser transmetta en il rom da Google Analytics, na vegn betg unida cun autras datas da Google. Cun configurar Voss browser correspundentamain pudais Vus dentant impedir ch'il browser arcunia cookies; nus rendain dentant attent che Vus na pudais en in tal cas eventualmain betg utilisar tut las funcziuns da questa pagina d'internet. Ultra da quai pudais Vus impedir che Google registreschia ed elavuria las datas ch'il cookie generescha e che sa refereschan a Vossa utilisaziun da la pagina d'internet (incl. Vossa adressa IP), tras quai che Vus chargiais giu ed installais in plugin per il browser sut il suandant link (http://tools.google.com/dlpage/gaoptout?hl=de).

Copyright

L'entir cuntegn da questa pagina d'internet è protegì tenor il dretg d'autur (tuts dretgs resalvads). Tut ils dretgs da proprietad restan tar l'autur. Da princip èsi permess da chargiar giu e da stampar cuntegns u parts dals cuntegns. Qua tras na vegnan dentant transferids nagins dretgs vi dals cuntegns. Senza avair ordavant il consentiment en scrit da las titularas e dals titulars dals dretgs d'autur èsi scumandà da far reproducziuns e modificaziuns e da duvrar vinavant – per intents publics u commerzials – cuntegns da la pagina d'internet ch'èn protegids tenor il dretg d'autur.

Mesiras per paginas d'internet senza barrieras

Cun differentas mesiras procurain nus ch'i saja pussaivel d'acceder a questas paginas d'internet senza barrieras. Latiers tutga la pussaivladad d'engrondir la vista da texts. L'engrondiment dals texts da questa pagina dependa dal browser installà. L'engrondiment da la scrittira è ina part integrala da Voss browser. Las versiuns actualas da la gronda part dals browsers porschan – ultra da la regulaziun da la grondezza da la scrittira – er ina funcziun da marella che n'engrondescha betg mo la scrittira, mabain proporziunalmain l'entira vista. Plinavant chattais Vus funcziuns da marella er en ils programs auxiliars da standard dal sistem operativ respectiv.

Funcziun da marella en l'Internet Explorer 7+ (Windows)
Engrondir: Tegnair smatgà la tasta "Ctrl" e smatgar la tasta "+" da las cifras.
Empitschnir: Tegnair smatgà la tasta "Ctrl" e smatgar la tasta "-" da las cifras.

Engrondir ils texts da las paginas en Opera
En il browser Opera chattais Vus en la trav da simbols ina funcziun da zoom che permetta da tscherner cumadaivlamain il grad d'engrondiment giavischà.

Auters browsers (Safari, Firefox, Netscape e.u.v.)
Tar la gronda part dals ulteriurs browsers po la grondezza da la scrittira vegnir midada cun la cumbinaziun da tastas "Ctrl +/-" (Windows) resp. cun la tasta da cumond "+/-" (Mac).

Sche tscherts cuntegns na duessan – cunter tuttas aspectativas – betg esser accessibels, As drizzai per plaschair a noss servetsch da clientella.